BREAKING NEWS: 'ISIS recruiter' Timbog sa Taguig
MANILA - Iniharap sa media ng Department of Justice, Miyerkoles, ang isang 36-anyos na babaeng nanghikayat umano sa ilang dayuhan at Pilipino na umanib sa international terror group na Islamic State.
Advertisement
Naaresto ang suspek na si Karen Aizha Hamidon sa bahay nito sa Taguig City nitong October 11 sa bisa ng isang search warrant.
Ayon sa National Bureau of Investigation, naging person of interest si Hamidon noong kalagitnaan ng 2016 matapos itong makahikayat ng ilang Indian nationals na pumunta sa Pilipinas para sumali sa radical groups sa Mindanao.
Nahanap umano sa cellphone ni Hamidon ang 296 online posts nito nang ukol sa recruitment ng mga bagong miyembro ng ISIS at pagsusulong ng rebelyon sa Marawi.
Sinampahan na si Hamidon ng 14 counts ng inciting to rebellion kaugnay ng Cybercrime Prevention Act of 2012.
Sinasabing asawa si Hamidon ni Mohhamad Jaafar Maguid alyas "Tokboy" at "Abu Sharifa", na itinuturong lider ng Ansar Khalifa Philippines na responsable sa pambobomba sa Davao City night market noong December 2016.
Naging maybahay din umano si Hamidon ng Singaporean na si Muhammad Shamin Mohammed Sidek na konektado rin sa ISIS.
Post a Comment